គណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា (គណៈកម្មការទី១០) ដឹកនាំដោយឯកឧត្តម ម៉ម ប៊ុននាង ប្រធានគណៈកម្មការ បានប្រជុំផ្ទៃក្នុង ដើម្បីពិនិត្យ និងពិភាក្សាលើរបៀបវារៈចំនួន០៣គឺ៖
១-ពិនិត្យឆ្លងរបាយការណ៍សកម្មភាព និងលទ្ធផលការងារប្រចាំខែកញ្ញា ឆ្នាំ២០២៥ និងលើកទិសដៅការងារបន្តរបស់គណៈកម្មការ ។
២-ពិនិត្យឆ្លងរបាយការណ៍សកម្មភាព និងលទ្ធផលការងាររបស់គណៈកម្មការទី១០ នាចន្លោះសម័យប្រជុំលើកទី៣ និងលើកទី៤ ព្រឹទ្ធសភា នីតិកាលទី៥ ។
៣-ផ្សេងៗ ។
កិច្ចប្រជុំខាងលើនេះ ប្រព្រឹត្តទៅនៅបន្ទប់ប្រជុំគណៈកម្មការទី១០ព្រឹទ្ធសភា នារសៀលថ្ងៃពុធ ទី១៧ ខែកញ្ញា ឆ្នាំ២០២៥ វេលាម៉ោង១៥:៣០នាទី ។
ប្រភព៖ នាយកដ្ឋានព័ត៌មាន
